Nikolo Makiavelli

və ehtiramını qazanmaq, sadiq və etibarlı ordu qurmaq, zərər vura bilən və zərər vurmalı olan şəxsləri aradan qaldırmaq, köhnə qaydalara yenilik gətirmək, etibarsız əsgərlərdən qurtulmaq və öz qoşunlarını yaratmaq, eyni zamanda həm sərt, həm də mərhəmətli olmaq, səxavətlilik və alicənablıq göstərmək, və nəhayət, hökmdar və kralları nəzakətlə xidmət göstərməyə, yaxud hücum etməkdən çəkinməyə sövq edən dostluqlar qurmaq istəyən hər kəs dukanın gördüyü işlərdən daha inandırıcı örnəklər tapa bilməz.

Odur ki, amansızlıqların hamısını birdən etmək lazımdır: insanlar haqsızlıqlara qısa müddət məruz qalsalar, az əziyyət çəkərlər. Yaxşılıqlar isə tədriclə, az-az edilməlidir ki, dadına daha yaxşı baxılsın.

Necə ki, mənzərə çəkən rəssam dağları və yüksəklikləri daha yaxşı qavramaq üçün vadiyə düşürsə, dərələri və alçaq yerləri qavramaq üçün dağa çıxırsa, eləcə də, xalqın mahiyyətini anlamaq üçün hökmdar olmaq, hökmdarların təbiətini anlamaq üçün də xalqdan olmaq lazımdır.