Тэма рамана «Неруш» — складаны эканамічны стан нашага Палесся. Герой рамана «Неруш» — меліяратар Мацвей Роўда. Ён, як і іншыя персанажы гэтага твора, верыў у неабходнасць асушэння балот, лічыў, што меліярацыя ператворыць гэты край у квітнеючы куток: на асушаных тарфяніках вырастуць багатыя ўраджаі, гэта зробіць людзей заможнымі і шчаслівымі. Але вынікі пераўтварэння аказаліся зусім процілеглымі кабінетным планам. Зямля, якая спакон веку надзейна карміла людзей, ператвараецца ў пустыню, а райскі куток — у пекла, дзе круцяцца ў карагодзе тарфяныя смерчы: «I вецер выў і крычаў у вушы галасамі княжборцаў.
