Sevimlilər

Müasir antiutopiya kitablarından ən sevdiyim! Antiutopiya janrının fanatı olduğum artıq bəllidir! ???? İlk filminə baxmışdım çünkü kitabdan xəbərim yox idi. Kitabın digərlərindən fərqi, yazarın süjetə çox drama qatmamasıdır. Real emosiyaları məncə doğru əks etdirib.

Cənnət və cəhənnəmi insan obrazlarında canlandıran bu kitabı 3 il əvvəl oxumuşdum. Kitabın dili biraz darıxdırıcı gələ bilər lakin süjet maraqlıdır.

Öz biznesini qurmaq istəyən, heç bir işin asan olmadığını başa düşmək üçün hər bir qadın bu kitabı oxumalıdır. Fikrimcə Sophia Amaruso bu kitab seriyasını davam etdirməlidir, dili çox rahatdı və siz sanki onunla üz üzə oturub danışırsınız.

Nahaq yerə dünyaya səs salan yazıçı deyil Den Braun və heç təəcüblənmirəm ki bu kitab bestseller oldu. Əlbəttə, kitablarının tarixi faktlarla bol olmağı çox maraqlıdır və uğurunun göstəricilərindən biridir, lakin daha bir əlavə edim. Den Braun möhtəşəm dərəcədə yerləri təsvir edə bilir. Mən İstanbulda Yerəbatan Sarnıcında olmayan adam onu Den Braunun sözlərindən gözümün qarşısında canlandırdım, Google-da baxanda "Tam mənim təsəvvür etdiyim kimi!" dedim.

Təkcə Baskervillərin İti yox, Şerlok Holms həkayələrinin hamısını oxumalısınız. Mən oxuyan vaxtı Azərbaycanca yalnız bu hissə var idi ona görə rusca oxumuşdum, amma artıq bir neçə hekayələri dilimizə tərcümə olunub. Məndən Artur Konan Doyl ya Aqata Kristi soruşsaz, sözsüz ki, Şerloka görə bu Artur K.D. olacaq. Niyə məhz Şerlok? Çünkü kitab boyunca gözlənilməz hadisələr baş verir, əvvəlcədən təyin etmək olmur kim kimdir.

Sirr deyil ki, kitab Sovet ölkələrindəki vəziyyətindən bəhs edir. Sovet dövrü bəzi insanlara nə qədər ideal görünsə belə, insanların şəxsi həyatı heç də şəxsi olmadığını bu kitab açıq aydın göstərir. Kitabı 16 yaşım olanda oxumuşam və deyə bilərəm ki, mənə görə antiutopiya şedevridir.